जनमोर्चां हानं संघीयता विरोधी अन्दोलन याइगु

राष्ट्रिय जनमोर्चां हानं संघीयता विरोधी आन्दोलन याइगु जूगु दु । गणतन्त्र सुदृढीकरण, राष्ट्रियताया रक्षा व संघीयताया विरोधय् जनमोर्चां थःपिनिगु आन्दोलन केन्द्रीत याइगु धाःगु दु ।

छुं दिं न्ह्यः पोखराय् जूगु जनमोर्चाया निक्वःगु राष्ट्रिय सम्मेलनया बारे जानकारी बीत थौं येँय् याःगु छगू पत्रकार सम्मेलनय् जनमोर्चां थःपिनिगु आन्दोलन संघीयताया विरोधय् केन्द्रीत जुइगु धाःगु खः ।

निक्वःगु सम्मेलनं हानं अध्यक्षय् निर्वाचित जुयादीम्ह चित्रबहादुर केसीं संघीयतां देय्यात टुक्रा याइगु धासें उकीया विरोधय् आन्दोलन यायेत्यंगु जानकारी बियादिल ।