थौं १२२क्वःगु अन्तराष्ट्रिय श्रमिक दिवस
थौं मे १ तारिक अर्थात अन्तराष्ट्रिय श्रमिक दिवस । श्रमिक दिवसया लसताय् थौं नेपाः लगायत हिलंन्यंक थीथी कथंया ज्याझ्वः जुयाच्वंगु दु । श्रमिक दिवसया लसताय् नेपालय् थौं सावर्जनिक बिदा बियातःगु दु ।
श्रमिक दिवसया लसताय् थौं अखिल नेपाल ट्रेड युनियन महासंघ, पेशागत महासंघ नेपाल, जिफन्ट, ट्रेड युनियन कांग्रेस लगायत मजदुर संघ संस्थातय्सं देय्न्यंक र्याली लगायात सभाया ज्याझ्वः यानाच्वंगु दु ।
सन् १८८६य् अमेरिकाया सिकागोय् मजदुरतय्सं च्याघौ ज्या व च्याघौ आराम धकाः आन्दोलन याःगु खः । उगु आन्दोलन ताःलाःगु दिंया लुमन्तिइ सन् १८९१ मे १ तारिकया न्हि निसें अन्ताराष्ट्रिय श्रकिम दिवस हनेगु सुरु जूगु खः ।
श्रमिक दिवसया लसताय् प्रधानमन्त्री झलनाथ खनाल, एनेकपा (माओवादी)या नायः पुष्पकमल दाहाल 'प्रचण्ड', नेपाली कांग्रेसया सभापति सुशील कोइराला, नेपाल उद्योग वाणिज्य महासंघया अध्यक्ष सुरज वैद्य लगायतं छगू विज्ञप्ति पिथना भिंतुना बियादीगु दु ।
