प्रकि्रया पूवंकाः जक वजेट स्थानीय निकाययात निकासा
येँसन्ध्या टाइम्स÷अर्थ मन्त्रालयं थीथी नगरपालिका गाविस व जिविसयात निकासा याःगु ध्यबा आवश्यक प्रकि्रया पूवंकाः जक छ्वयागु स्पष्ट याःगु दु ।
मन्त्रालयं उगु निकाय पाखें वःगु इष्टिमेट आयो-जनाया डिजाइन व सर्भे सम्बन्धी आवश्यक भ्वं स्वयाः उकिया हे लिधंसाय् ध्यबा निकासा यानागु खँ धाःगु दु ।
वंगु स्वदँ न्ह्यः निसें स्थानीय स्वायत्त निकाय नगरपालिका जिविस व गाविसय् एकमुष्ट छ्वइगु अनुदान स्थानीय विकास अधिकारी व कार्यकारी अधिकृतयात अख्तियारी यानाः छ्वयेगु व्यवस्था मन्त्रालयं याना वयाच्वंगु खः ।
थुकथंया अख्तियारी विनियोजन ऐनया दुने च्वनाः तप्यंक हे स्थानीय निकायय् छ्वयेगु व्यवस्था जूगु खँ मन्त्रालयं न्ह्यथंगु दु ।
आर्थिक दँ ०६४÷६५ य् नं उगु थीथी निकाय पाखें माग जुया वः कथं करीब २१ करोड ५० लाख तका थप वजेट तप्यंक मन्त्रालयं पाखें छ्वयागु खँ जानकारी बिउगु दु ।
मन्त्रालयं जिल्ला विकास समितियात वजेट निकासा याइगु इलय् निष्पक्ष रुपं न्हय्न्यागुिलं जिल्लाय् माग कथं वजेट निकासा याना वया च्वनागु धासे गुगुं नं जिल्लायात थः यत्थे वजेट मबियागु दावी याःगु दु ।
वजेट निकासा याःबलय् निःशर्त मजुसे सशर्त रुपं निकासा जुइगु नं मन्त्रालयं दावी याःगु दु ।
