वइगु निलाया दुने सरकारी वजेट खर्च

येँसन्ध्या टाइम्स÷देशय्राजनीतिक संकटया लिसें आर्थिक संकट नं तच्वया वनाच्वंगु खँ आर्थिक विश्लेषकतय्सं धाःगु दु । सरकारं म्हयातःगु अर्बौ तका राजश्व खर्च जुइ मफुगुिलं यानाः थ्व समस्या वःगु खँ धाःगु दु । लिसे उमिसं थ्व समस्या याकनं ज्यंके मफइगु नं धाःगु दु ।

सरकारं वंगु गुलाया जक १ खर्ब राजश्व म्हःगु खःसा विकास निर्माण कृषि स्वास्थ्य व शिक्षा थेंज्याःगु सामाजिक ज्याय् माक्व ध्यबा खर्च याये मफयेवं समस्या ब्वलंगु खँ अर्थविद्तय्सं धाःगु दु ।

ुसरकारी ध्यबा खर्च मजुइगु धइगु तःधंगु समस्या खःु विकासया ज्या मजुइवं सामान्य मजदूरलिसें ततःधंगु पदय् च्वनाः ज्या याईपंत तकं थुिकं लिच्वः लाकीगु खँ अर्थविद् विश्वम्भर प्याकुरेलं कनादी । सरकारी अधिकारीतय् कथं थौंकन्हय् राष्ट्र बैंकया खाताय् जक सरकारया २५ अर्ब ध्यबा अथें लानाच्वंगु दु । अर्थविद्तय् कथं सरकारया थ्व हालत धइगु म्हिचाय् जायेक ध्यबा दयां नं नये मखंम्ह मनू थें जूगु दु ।

सरकारी ध्यबा खर्च जुइ मफयाः नेपाः थेंज्याःगु म्हो जक बजेट दुगु देय्यात बांमलाःगु लिच्वः लाकीगु नं अर्थविद्तय्सं टिप्पणी याःगु दु । थुिकं यानाः छखे रोजगारीया अवसर मदइगु खःसा मेखे सेवाया अवसर नं मदयाः समस्या ब्वलनीगु खँ नं विज्ञतय्सं धापू दु । सरकारी ध्यबा खर्च मजुयाः विकास निर्माणया ज्या नं मजूगुिलं थुकिया प्रत्यक्ष प्रभाव जनतायात लानाच्वंगु नं विज्ञतय्सं धाःगु दु ।

उखे सरकारं निलाया दुने उगु ध्यबा खर्च यायेगु खँ धयाच्वंगु दुसा विज्ञतय्सं धाःसा आर्थिक दँ क्वचायेत निला जक ल्यं दनिबलय् उगु ध्यबा खर्च यायेगु धकाः धायेगु ध्यबाया दुरुपयोग यायेगु ज्या जुइत्यंगु खँ धाःगु दु । थथे हथाय् चायाः ध्यबा खर्च यायेबलय् छगू ला प्रकि्रया मिले मजुयाः समस्या वइसा मेगु ज्याया गुणस्तर नं मदइगु संभावना अप्वः दु ।

उखे सरकारी अधिकारीत धाःसा थज्याःगु खतराप्रति थःिपं सचेत दुगु खँ धाःगु दु । अर्थ मन्त्रालयया राजश्व सचिव कृष्णहरि बांस्कोटाया कथं हथासं ज्या यायेबलय् जुइ फइगु जोखिमप्रति थःिपं सचेत जूगु खँ कनादिल ।

मेखे विश्लेषकतय् कथं याकनं सरकार क्वःदःगुिलं सरकारी लक्ष्य कथं निगूगु अंकया आर्थिक वृद्धिदर हासिल यायेगु झिदँया दुने झिद्वः मेगावाट विजुली उत्पादनया योजना नं अलपत्रय् लाइगु संभावना ब्वलंगु दु । माओवादीया नेतृत्वय् सरकार गठन जुइधुंकाः हःगु आपालं योजनात आः छु जुइ धइगु न्ह्यसः ब्वलनाच्वंगु खँ सम्बन्धित विज्ञतय्सं धाःगुदु ।

उखे अर्थ मन्त्रालयं छुं िदं न्ह्यः जक सरकारया धुकुती अथें लाना-च्वंगु वजेट खर्च यायेगु िनंितं ुआर्थिक तथा पूर्वाधार विकास प्राधिकरणु नांया न्हूगु निकाय गठन यानाः न्ह्याः वनेगु खँ धाःगु खः ।