सहमतिया निंतिं माओवादीं पहल याइगु

शान्ति व संविधान निर्माणया निंतिं राजनीतिक सहमति आवश्यक जूगु धासें उकिया लागिं एनेकपा (माओवादीं) पहल याइगु जूगु दु ।

संविधान निर्माण यायेत लच्छि जक ल्यँ दनीगु इलय् माओवादीं शान्ति प्रक्रिया व संविधान निर्माणयात निष्कर्षय् थ्यंके मेमेगू दलनाप सहलह यायेगु निर्णय याःगु दु । येँया न्हू बजारस्थित नायः पुष्पकमल दाहाल 'प्रचण्ड'या छेँय् शनिवाः सुथय् च्वंगु पदाधिकारी मुँज्यां कन्हय् निसें हे सहलह न्ह्याकीगु निर्णय याःगु दु ।

पदाधिकारी मुँज्या लिपा लिपा माओवादी न्वकु डा. बाबुराम भट्टराईं शान्ति व संविधानया निंतिं आइतवाः निसें कांग्रेस, एमाले लगायत मधेशवादी दलतनाप सहलह यायेगु जानकारी बियादिल ।

अथेहे माओवादीया सोमवाः च्वनीगु पदाधिकारी मुँज्यां सरकारय् ब्वति काइपिनि मन्त्रीतय् नां ल्ययेगु निर्णय नं याःगु दु ।