डा. श्रेष्ठयात ह्दयाघात

येँ (सन्ध्या टाइम्स)/नेपालभाषा आन्दोलनया न्ह्यलुवा डा. महेशमान श्रेष्ठयात ह्दयाघात जूगु दु। म्हिगः सुथय् १० बजे थःगु हे छेँय् ह्दयाघात जुयाः वय्कःयात गंगालाल ह्दय रोग केन्द्रय् यंकूगु खः। म्हिगः हे अपरेशन यानाः वय्कःयात एन्जियोप्लास्ट याःगु खँ वय्कःया काय्भाजु डा. मनोज श्रेष्ठं कनादिल। आः वय्कःया स्वास्थ्य ठीक जूसां कन्हय् जक वार्डय् तइगु खँ धाःगु दु। वय्कः बुधवाः तकं बन्द ज्याझ्वलय् सक्रिय जुयाच्वनादीम्ह खः ।