दुबइलय् नेपाःमि ल्याय्म्ह स्याना तल

येँ (सन्ध्या टाइम्स)/वैदेशिक लजगाःया झ्वलय् दुबई थ्यंम्ह छम्ह नेपाःमि ल्याय्म्हयात स्याना बिउगु दु। लमजुङ मालिङ गाविसया ३६ दँ दुम्ह डिलाराम गुरुङयात बुधवाः स्याना बिउगु खँ छेँजःपिंसं धाःगु दु। उगु हत्या काण्डय् कम्पनीयागु हे ल्हाः दुगु आशंका गुरुङया दाजु रघुनाथं याःगु दु। कम्प्युटरपाखें इन्टरनेट चले याःगु इलय् गलत सन्देश प्रवाह याःगु द्वपनय् कम्पनी मालिकं थः नापं हे ज्या याइपिं मनूतय्सं थ्व हत्या याकूगु द्वपं दाजुम्ह रघुनाथं बिउगु दु ।