निक्वःगु बौद्ध संगीत जागरण

किपूसन्ध्या टाइम्स÷वंगु बैशाख ४ गते शुक्रवाः व ५ गते सनिवाः निन्हुयंकं बौद्ध संगीत जाग-रण समिति पिम्बहाः यलया ग्वसालय् निक्वःगु बौद्ध संगीत जागरण ज्याझ्वः जुल । त्रिरत्न कीर्तिविहार समग्र ज्ञानमाला भजन खलः गुतपौ किपूया व्यवस्थापनय् उगु ज्याझ्वः जूगु खः । ज्याझ्वलय् सहभागी जुयाबिज्याःम्ह मूपाहां श्रद्धेय भिक्ष्ा धर्मपाल महास्थविरं उगु संगीत ज्याझ्वःया उलेज्या यानाबिज्याःगु खः । ज्याझ्वः संस्थाया सल्लाहकार विष्णुबहादुर महर्जनया सभापतित्वय् जूगु खः ।

बौद्ध संगीत जागरण समितिया छ्यााजे इन्द्रमुनि शाक्यं न्ह्याकादीगु ज्याझ्वलय् त्रिरत्नकीर्ति विहारया नायः जुलुस शाक्यं लसकुस यानादीगु खः । समग्र ज्ञानमाला भजन खलःपाखें लसकुस म्ये सहभागीतय्त लसकुस याःगु खः ।

येँ यल किपू थेच्व जल पाँगा नगां मच्छेगां सतुंगल दक्षिणकाली भाजंगाः आदि थाय्या ४२ गू भजन खलः पुचलं भजन न्ह्यब्वयेधुंकाः बौद्ध म्ये न्ह्यब्वःगु ज्याझ्वलय् संगीतकार केशरमान तुलाधरं संगीतवद्ध यानाः अन्नपूर्ण ज्ञानमाला भजन खलः असंपाखें न्ह्यब्वःगु बौद्ध म्येपाखें संगीतय् उत्कृष्ट सिरपाः त्याकूगु खः ।

थे हे युवक बौद्ध मण्डल यलपाखें न्ह्यब्वःगु रजनी शाक्यं च्वयातःगु म्ये रचनाय् उत्कृष्ट घोषणा याःगु खः । सुभाषित ज्ञानमाला संघ गणमहाविहार गणबहाल येँया पुचः सः दुथ्याःगु बौद्ध जागरण म्यें उत्कृष्ट सिरपाः त्याकूगु खः ।

ज्याझ्वलय् पाहांिपं सभासद् दिलीप महर्जन लोकसेवा आयोगया पुलांम्ह अध्यक्ष तीर्थमान शाक्य व पुलांम्ह मन्त्री बुद्धिराज बज्राचार्यिपंसं नं थःथःगु नुगः खँ प्वंकादीगु खः । ज्याझ्वलय् संस्कृतिविद् सत्यमोहन जोशी

वरिष्ठ संगीतकार एवं गायक प्रेमध्वज प्रधान शास्त्रीय संगीतज्ञ मोहनलाल बाराही नृत्य निर्देशक राधेश्याम प्रधानिपं निर्णायक जुयादीगु खः ।

वइगु दँय् स्वक्वःगु बौद्ध संगीत जागरण ज्याझ्वः यायेगु िनंितं गणमहाविहार गणबहाल येँपाखें भिक्ष्ा सोभितं पाःब्व लःल्हाना कयाबिज्यासें बौद्ध धर्म प्रचार प्रसार यायेगु सशक्त माध्यम बौद्ध संगीत नं छगू खः धयाबिज्यात ।

ज्याझ्वलय् हर्मोनियम थानाः ग्वाहालि यानाबिज्याःिपं २२ म्ह मय्जुिपंत दोसल्लां न्ययेकाः दाता नानीबेटी शाक्य व बेटीलक्ष्मी शाक्यिपंसं सम्मान यानादीगु खः । बौद्ध संगीत जागरण समितिया नायः धर्मबहादुर शाक्यं सुभाय् देछाये धुंकाः मूपाहां भिक्ष्ा धम्मपाल महास्थविरं थःगु मन्तव्य नापं पुण्यामोदन यानाः उगु ज्याझ्वः क्वचायेका बिज्याःगु खः ।