डन 'चेरी'या त्वःतेत राजनीतिक दबाव

ऊर्जा मन्त्री गोकर्ण विष्टयात सांघातिक आक्रमण याःगु द्वपंलय् ज्वम्ह दनेश अधिकारी 'चरी'नापं झिंछम्हेसित त्वःतेत राजनीतिक दबाव वःगु खँ धाःगु दु । धादिङं येँय् वयाच्वंगु इलय् तरवार व खुकुरी सहित ज्वंपिं अपराधीतय्त एमालेया हे नेता व कार्यकर्तातय्सं त्वःतेत दबाव बियाच्वंगु खँ प्रहरी अधिकारीतय्सं धाःगु दु ।

चरी लगायत अपराधीतय्त त्वःतेत एमाले नेता व कार्यकर्तातय्सं बिहीवाः कालिमाटी प्रहरी वृत व धादिङ जिल्लाया पृथ्वी राजमार्ग सतक खण्डय् प्रदर्शन याःगु ख: । अधिकारी एमाले धादिङ क्षेत्र नम्बर १या उपाध्यक्ष खः ।

प्रहरीं अधिकारीनापं ज्वंपिं रुपेश गुरुङ व ईश्वर गुरुङं ऊर्जा मन्त्री विष्टयात आक्रमण याःगु घटनाय् संलग्न जूगु शंका याःगु दु ।