जयन्तप्रसाद नेपाःया निंतिं भारतया न्हूम्ह राजदूत

नेपाःया निंतिं न्हूम्ह भारतीय राजदूतय् जयन्तप्रसादया नां स्वीकृत जूगु दु । राजदूतय् प्रस्तावित जयन्तप्रसादया एग्रिमो स्वीकृत जुइवं वय्कः नेपाःया निंतिं न्हूम्ह राजदूत जुइगु निश्चित जूगु दु ।

नेपाःया परराष्ट्र मन्त्रालय जुयाः राष्ट्रपति ज्याकू थ्यंकूगु जयन्तया एग्रिमोयात राष्ट्रपति डा. रामवरण यादवं स्वीकृत यानाः भारतीय दूतावासय् छ्वःगु खः । वर्तमान राजदूत राकेश सुदया कार्यकाल थ्वहे अप्रिलय् क्वचायेत्यंगुलिं भारतया विदेश मन्त्रालयं जयन्तप्रकासया एग्रिमो छ्वःगु खः ।

५८दँया जयन्तप्रकासया कार्यकाल धाःसा च्याला जक जुइगु खँ धाःगु दु ।