हानं विमान हयेगु निंतिं कुतः याये : कंसाकार
नेपाल वायु सेवा निगमया कार्यकारी अध्यक्ष सुगतरत्न कंसाकारं हानं देशय् थःगु हे ध्वजाबहाक विमान ब्वयेकेगु निंतिं विमान हयेगु कुतः यायेगु खँ धयादीगु दु ।
विशेष अदालतं सफाइ बिइधुंकाः थःगु पदय् स्वतः पुन:स्थापना जुयाः थःगु ज्याय् लिहां वनेधुंकूम्ह कंसाकारं नेपालमण्डल डटकमनाप खँल्हाबंला यानादिसें विमान हयेगु पाखे थःगु ल्यँ दनीगु कार्यकालय् ज्या यायेगु धयादिल । तर वय्कलं थुकिया निंतिं सरकारया ग्वाहालि व निर्देशन आवश्यक जुइगु धयादिल ।
'निला-स्वलाया जिगू कार्यकालय् हे विमान हयेगु निंतिं हानं कुतः याये, वय्कलं धयादिल, 'तर सरकारी निर्देशन मदयेकं थन छुं यायेफइगु स्थिति मदुगुलिं मेगू हप्तां निसें हे जिं विमान न्यायेगु प्रक्रियायात हाकनं शुरु यायेगु जुइ ।'
देय् विकास यायेगु निंतिं नं थःगु हे ध्वजाबहाक विमान माःगु धयादिसें वय्कलं थःगु हे विमान दुसाः विशेष यानाः पर्यटन व मेमेगू क्षेत्रय् नं विकास यायेफइगु धयादिल । राष्ट्रिय ध्वजाबहाक विमानयात झीसं मेगू देशय् मथ्यंकूतले देशय् पर्यटक बृद्धि जुइमइगु वय्कःया बिचाः दु ।
वय्कःनाप नेपालमण्डलं याःगु पूवंक खँल्हाबंला ब्वनेत थन क्लिक यानादिसँ । -- 'देश विकासया लागिं विमान महःसें मगाः'
Related Stories
'देश विकासया लागिं विमान महःसें मगाः' : सुगतरत्न कंसाकार कंसाकार विरुद्धया मुद्दा षड्यन्त्रमूलक : जागरण मञ्च कंसाकार जेल चलान सुगतरत्नया समर्थनय् जुलुस कंसाकारयात कारवाही विरुद्ध नेवाःत सतकय् कंसाकार विरुद्धया कारवाही खारेज यायेत नेवाःतय् माग कंसाकारया पक्षय् संघर्ष यायेत समिति गठन 'कंसाकार प्रकरण इमान्दार नागरिकत प्रति जूगु षड्यन्त्र'
