थौं नेवाः ताम्सालिङ प्रदेश बन्द
बन्दयात आदिवासी जनजाति बृहत मोर्चाया समर्थन
नेवाः ताम्सालिङ संयुक्त संघर्ष समितिं थौं नेवाः ताम्सालिङ प्रदेश बन्दया आह्वान याःगु दु ।
ईलय् हे संघीय लोकतान्त्रिक गणतान्त्रिक संविधान जारी यायेमाःगु, संघीयता, लोकतन्त्र व गणतन्त्र सुनिश्चि यायेमाःगु, नेवाः ताम्सालिङ अखण्डित प्रदेशया सुनिश्चित यायेमाःगु, नेपाःया आदिवासीया भूमिइ गुगुं नं नामं प्रदेश दयेके मजिउगु नापं थीथी माग यानाः संयुक्त संघर्ष समितिं बन्दया आह्वान याःगु खः ।
बन्दया झ्वलय् थौं येँया असं, यलया मंगलबजाः, ख्यापया सूर्यविनाक, थिमिया नगदेश, किपूया पांगा लगायत थीथी थासं जुलुस पिथनीगु ज्याझ्वः दुसाः सनिलय् बसन्पुली छगू सभा यानाः बन्द क्वचायेकीगु ज्याझ्वः दु । थ्वहे झ्वलय् बन्दया पूर्व सन्ध्याय् संघर्ष समितिं बन्द ताःलाकेत स्वनिगःया थीथी थासं मसाल जुलुल पिथंगु खः ।
उखे आदिवासी जनजाति बृहत मोर्चां छगू विज्ञप्ति पिथना थौंया नेवाः व ताम्सालिङ बन्दया ज्याझ्वः प्रति थःपिनिगु पूर्ण नैतिक समर्थन व ऐक्यबद्धता प्वंकूगु दु ।
Related Stories
बन्द ताःलाकेत स्वनिगःया थीथी थासं मसाल जुलुस नेवाः-ताम्सालिङ बन्दया झ्वलय् जुइगु ज्याझ्वः नेवाः व ताम्सालिङ संघर्ष समितिं मंकाः रुपं आन्दोलन घोषणा धिमे थाना बन्दया प्रचार बन्दया प्रचार यायेत सांस्कृतिक र्याली नेवाः ताम्सालिङ बन्द ताःलाकेत यलय् सहलह मुँज्या
