पाइप लाइन बारे सहलह

येँ सन्ध्या टाइम्स÷थीथी इलय् जुइगु बन्द हडताल थेंज्याःगु ज्याझ्वलं पेट्रोलियम पदार्थया आपूर्तिइ समस्या वइगुिलं आः भारतं नेपाःया अमलेखगाज तक पाइप लाइन तया बीगु जूगु दुसा उकिया बारे सहलह यायेत थौं नेपाः व भारतीय अधिकारी दथुइ बैठक च्वंगु दु ।

नेपाल आयल निगमय् उगु बैठक च्वंगु खः । निदँ न्ह्यः हे निगमं पाइप लाइन तयेगु खँ न्ह्याःगु खःसां आः तक ताः धाःसा मलाःनि । निगमं रक्सौलंनिसें अमलेखगाज तक पाइप लाइन मार्फत पेट्रोलियम पदार्थ हयेगु प्रस्ताव भारतयात बिउगु खः ।