गाँउले व कोइराला पत्रकार महासंघया नेतृत्वया उम्मेदवार
वइगु वैशाख २० गते निसें येँय् जुइत्यंगु पत्रकार महासंघया २३क्वःगु महाधिवेशनय् नेतृत्व पदया निंतिं पत्रकार शिव गाँउले व केदार कोइरालां उम्मेदवारी घोषणा याःगु दु ।
येँय् थौं छगू पत्रकार सम्मेलन यानाः प्रेस चौतारी व क्रान्तिकारी पत्रकार संघया पाखें गाँउलें उम्मेदवारीया घोषणा याःगु खः । गाँउलें श्रमजिवि पत्रकारतय् हकहित व अभिव्यक्ति स्वतन्त्रतायात थःगु मू एजेण्डा दयेकूगु दु ।
अथेहे अध्यक्ष पदया निंतिं हे केदार कोइरालां नं थःगु नां सार्वजनिक याःगु दु । 'व्यवसायिक साँचो, पत्रकारलाई खाँचो' धइगु नारा बियाः पत्रकार कोइराला चुनावी मौदानय् कुहांवःगु खः ।
उखे गाँउलेया प्यानलं ओम शर्मा व चन्द्रमान श्रेष्ठं छसिकथं मूछ्याञ्जे व छ्याञ्जेया लागि उम्मेदवारी घोषणा याःगु दु । गाँउले एमाले समर्थित प्रसे चौतारीयाम्ह खःसा शर्मा व श्रेष्ठ माओवादी समर्थित क्रान्तिकारी पत्रकार संघया दुजः खः ।
