पत्रकारयात हे ओलीया न्ह्यसः
येँ (सन्ध्या टाइम्स)/एमालेया कडा बचनं न्ववाइम्ह नेता धकाः म्हसिउम्ह खड्ग ओलीं छुं जुयाः जेठ १४ गते संविधान मवल धाःसा उकिया दोषी थः जुइ मखु धइगु संकेत यानादीगु दु। म्हिगः बीबीसी नेपाली सेवालिसे खँ ल्हासें भाजु ओलीं सुनां संविधानसभा व सरकारय् च्वनाः नं अशान्ति मच्चे यायेगु ज्या यानाच्वन उपिं हे थुकिया भागीदार जुइ धकाः नं धयादिल ।
'थुकी छि दोषी जुइ लाकि जुइ मखु?' धकाः न्ह्यसः तःम्ह पत्रकारयात वय्कलं हे अःखः न्ह्यसः तयादिल, 'जि मेपिं थें संविधान मदयेकुसे ठगे यानाः च्वंच्वनागु दुला बदनाम यायेत? गज्याःगु मेसेज बीत्यनागु छिं?'
