थौं बसन्तपुलिइ प्रचार सभा
येँ (सन्ध्या टाइम्स)/कन्हय् जुइगु नेवाः व ताम्सालिङ प्रदेश बन्द सफल यायेत थौं थनया बसन्तपू महाद्यः पार्वती देगलय् छगू प्रचार सभा याइगु जूगु दु। नेवाः-ताम्सालिङ संयुक्त संघर्ष समिति व नेपाः राष्ट्रिय ल्याय्म्ह न्ह्यलुवा (नेवाः न्ह्यलुवा) या मंकाः ग्वसालय् न्हिनसिया २ ताः इलय् जुइ ।
बन्द सफल यायेत जुयाच्वंगु प्रचार प्रसारया झ्वलय् थौं जुइगु प्रचार सभाय् नेवाः स्वायत्त राज्य मंकाः संघर्ष समितिइ दुथ्याःगु झिगुलिं घटकया प्रतिनिधि लिसें ताम्सालिङ संघर्ष समितिया प्रतिनिधिं संबोधन याइगु ज्याझ्वः दु ।
