यलया भाषिक कार्यकर्ता शाक्य मंत
य ल(सन्ध्या टाइम्स)/करुणामय बुंगद्यःया झिनिदँया रथयात्रा सम्बन्धी सि.डी पिथनादीम्ह लिसें नेपालभाषाया कार्यकर्ता थनया नःत्वालय् च्वंम्ह भाजु पुर्णबहादुर शाक्य म्हिगः मंत। म्हिगः न्हिनय् 'हर्ट अट्याक' जुयाः मदुम्ह भाजु शाक्यं '१२ वर्षे श्री करुणामय रथजात्रा' नांया सि.डी पिथनादीगु खःसा वय्कः खः प्याखंया कलाकार, दबू प्याखं च्वमि नं खः।
वय्कलं नेपालभाषाया संकिपा 'मथ्याःकाय' पिथनेत नं विशेष भूमिका म्हितादीगु खः। वय्कलं पूर्ण सिलाई शास्त्र नांया सफू नं पिथनादीगु दु। मदुम्ह शाक्यया काय निम्ह व म्ह्याय् छम्ह दु। वय्कःया अन्त्येष्ठि थौं याइगु जूगु दु ।
