माधवं नापलात प्रचण्डयात

येँ सन्ध्या टाइम्स÷थःगु हे नेतृत्वय् न्हूगु सरकार गठनया लािगं कुतः यानाच्वंम्ह एमाले नेता माधव नेपालं थौं प्रधानमन्त्री व माओवादी अध्यक्ष पुष्पकमल दाहाल ुप्रचण्डु यात नापलानाः खँल्हाबल्हा यानादीगु दु । थौं सुथय् पूच्वय् च्वंगु अर्थमन्त्री डा। बाबुराम भट्टराईया क्वाटरय् वय्कःपिनि दथुइ वार्ता जूगु खः । वार्ताय् भाजु नेपालं सरकार गठनय् माओवादीं ग्वाहालि यायेमाल धकाः इनाप यानादीगु खःसा प्रम प्रचण्डं राष्ट्रपतिया पलाः सच्चे यायेगु ज्या जुल धाःसा तुरुन्त सरकार गठन याके बी धकाः बचं बियादीगु खः । उगु इलय् वय्कलं प्रधानसेनापति प्रकरणय् एमालें न्हापा छता खँ धयाः लिपा थःिपंत धोका बिउगु आक्रोश नं प्वंकादीगु खः ।

माओवादीें मधेशी जनअधिकार फोरमयात ल्हातय् कयातःगुिलं एमालेया पक्षय् समर्थन खाकेत समस्या जुयाच्वंगु दु । एमाले सरकार गठन यायेत १५ गू दलं समर्थन यायेधुंकूगु दुसां फोरम बिना सरकार दयेके फइगु अवस्था मदुनि ।