बन्द ताःलाकेत सहलह
येँ (सन्ध्या टाइम्स)/ थ्वहे वइगु वैशाख १४ गते नेवाः व तामांग जानाः यायेत्यंगु नेवाः व ताम्सालीङ प्रदेश बन्द ताःलाकेत म्हिगः नेवाः देय्गुथि नेपालमण्डलं थः मातहतया फुक्कं तःकेहँ पुचः व स्वनिगलं पिनेया फुक्कं कचा पुचःतय्त सःताः बन्द ज्याझ्वः ताःलाकेगु बारे सहलह यात ।
मुँज्यां भ्वँत, पन्ति, किपू, थक्वाः, पालुङ, टिष्टुङ आदि लागाय् तकं बन्द यायेत निर्देशन बिउगु दु । वैशाख १४ गतेया बन्द ताःलाकेत ग्वहालि गुथिपाखें छगू वक्तव्य पिकासें सकसितं इनाप याःगु दु ।
अथे हे थनिनिसें नेवाः स्वायत्त राज्य मंकाः संघर्ष समितिपाखें माइकिङ ज्या न्ह्याकूगु दु ।
