छडके मसाल जुलुस
येँ (सन्ध्या टाइम्स)/ बैशाख १४ गतेया बन्द ज्याझ्वः ताःलाकेगु नितिं एकीकृत नेवाः राष्ट्रिय मुक्ति मोर्चां म्हिगः बहनी येँया असनं मसाल जुलुस पिकाःगु दु । सलंसः मोर्चा कार्यकर्तातय्सं मसाल जुलुसय् ब्वति काःगु खः । अथे हे थौं एकीकृत नेवाः राष्ट्रिय मुक्ति मोर्चा व तामाङ राष्ट्रिय मुक्ति मोर्चापाखें सनिलया ५ बजे येँया खुल्ला माचय् मुनाः ब्वाँय् वनाः जुलुस पिकाइगु जूगु दु । अथे हे बन्द ज्याझ्वः ताःलाकेगु नितिं कन्हय् नेवाः प्रदेश व ताम्सालिङ प्रदेशया थाय्थासय् मसाल जुलुस पिकाइगु ज्याझ्वः दु ।
