बजेट अधिवेशन वैशाख १९ गते

आर्थिक दँ २०६८/६९या बजेट जेठ ९ गते

व्यवस्थापिका संसदया झिक्वःगु अधिवेशन वइगु वैशाख १९ गते निसें सुरु जुइगु जूगु दु । प्रधानमन्त्री झलनाथ खनालया सिफारिशय् राष्ट्रपति डा. रामवरण यादवं वैशाख १९ गते अधिवेशन आह्वान यानादीगु खः ।

बजेट अधिवेशन नं धाइगु थुगु अधिवेशनय् सरकारं आर्थिक दँ २०६८/६९या बजेट पेश याइगु ज्याझ्वः दु । बजेट अधिवेशन आह्वान लिपा थौं हे संसद सचिवालयं न्हूगु आर्थिक दँया बजेट न्ह्यब्वयेगु धलः नं सार्वजनिक याःगु दु ।

उगु धलः कथं सरकारं जेठ ९ गते आर्थिक दँ २०६८/६९या बजेट संसदय् पेश याइ । वस्वयां न्ह्यः वैशाख २७ गते राष्ट्रपति यादवं सरकारया नीति व ज्याझ्वः पेश यानादी ।