प्रधानमन्त्री खनाल व राजदुत डिलेसी दथुइ खँल्हाबंला

प्रधानमन्त्री झलनाथ खनाल व नेपाःया निंतिं अमेरिकया राजदुत स्कट एच. डिलेसी दथुइ थौं खँल्हाबंला जूगु दु ।

सिंहदरवारस्थित प्रधानमन्त्रीया ज्याकूथीइ थौं जूगु खँल्हाबंलाय् नेपाःया शान्ति प्रक्रिया व संविधान निर्माणया प्रगतिया बारे राजदुत डिलेसीं च्यूताः प्वंकादीगु खः । लिसःलय् प्रधानमन्त्री खनालं सहमतिया आधारय् शान्ति व संविधान निर्माण प्रक्रिया क्वचायेकेत सरकार लगेजुयाच्वंगु जानकारी बियादीगु खः ।

अथेहे नेपाः सरकारं ऊर्जा संकटकालया घोषणा याःगु बारे नं राजदुत डिलेसीं च्यूताः प्वंकादीगु खः । वय्कलं ऊर्जा संकट समाधान यायेत अमेरिका ऊर्जा क्षेत्रय् लागनी यायेत तयार दुगु खँ धयादीगु खः ।