पासपोर्ट दुरुपयोग याःपिं सभासद्त थप न्हय्न्हु थुनाय्

जिल्ला अदालत येँ नं पोसपोर्ट दुरुपयोग याःपिं सभासद्तय्त थप न्हय्न्हु थुनाय् तयेत आदेश बिउगु दु । न्यायाधीश माधवप्रसाद पोखरेलया एकल इजलासं सोमवाः सभासद्त गायत्री साह व विश्वनाथ प्रसाद यादवयात थप न्हय्न्हु थुनाय् तयाः अनुसन्धान यायेत उजं बिउगु खः ।

वंगु मंगलवाः संविधानसभा भवनं ज्वनायंकूपिं सभासद्त साह व यादवयात अदालतं थ्वस्वयां न्ह्यः प्यन्हु थुनाय् तयाः अनुसन्धान यायेत उजं बिउगु खः । प्रहरीं झिंन्यान्हु थुना तयाः अनुसन्धान यायेत ई फ्वंगु खःसां अदालतं दकलय् न्हापा प्यन्हु थुनाय् तयेत अनुमति बिउगु खःसा अनुसन्धान क्वमचायेवं हानं न्हय्न्हु थप याःगु खः ।