उपलब्धि संस्थागत यायेगु दायित्व आन्दोलनकारी सहयात्रीया : माओवादी

एकीकृत नेकपा (माओवादीं) ऐतिहासिक जनआन्दोलन, जनयुद्ध व संविधानसभाया उपलब्धि संस्थागत यायेगु दायित्व जनआन्दोलनया इलय् आन्दोलन याःपिं सहयात्रीया जुगु खँ धाःगु दु ।

खुक्वःगु जनआन्दोलन दिवसया लसताय् माओवादीं थौं छगू प्रेस विज्ञप्ति पिथना गणतन्त्र, धर्मनिरपेक्षता, संघीयता, लोकतन्त्र थज्याःगु उपलब्धि संस्थागत यायेगु दायित्व आन्दोलया सहयात्रीतय्गु जूगु खँ न्ह्यथंगु दु ।

यदि देय्यात शान्ति व न्हूगु संविधान बिइमफुसाः जनयुद्ध व ऐतिहासिक जनआन्दोलनप्रति धोका जुइगु खँ न्ह्यथंगु दु, 'यदि झीसं देय्यात शान्ति व संविधान बिइमफुसाः प्रकारान्तरं महान् जनयुद्ध व ऐतिहासिक झिंगुन्हुया जनअन्दोलनया उपलब्धिप्रति धोका जुइ ।'

माओवादीं उपलब्धियात संस्थागत यायेत ऐतिहासिक सुझबुझ व गम्भीरताया साथ न्हूगु समझदारीइ वयेत व दिगो शान्ति व न्हूगु संविधान च्वयेत लोकतन्त्र स्थापनाया सहयात्री दलतय्त इनाप याःगु दु

अथेहे दलत दथुइया अविश्वास, आशंका व मतभेदयात चीका: दीगो शान्ति व जनताया संविधान निर्माणय् सहमति, समझदारी व सहकार्यया मू लँपूइ वयेत नं माओवादीं आहृवान या:गु दु ।