धार्मिक गुरु साईबाबा मन्त

भारतीय धार्मिक गुरु साईबाबा थौं सुथय् ८६ दँया वैशय् मन्त । थीथी ल्वचं कयाच्वंम्ह साईबाबाया भारतया पुट्टापर्थीइ वासः जुयाच्वंगु इलय् सुथय् ७:४० बजे मदुगु खः । वय्कयात ताः ई न्ह्यः निसें जलस्येँ, छाति व स्वँला सम्बन्धि समस्याया हुनिं भेन्टिलेटरय् तयातःगु खः ।

सन् १९२६ नोभेम्बर २३ कुन्हु पुट्टपर्तीइ वय्कःया जन्म जूगु खः । सत्यनारायण राजुं थः झिप्यदँ दुवलय् थःत शिरडी साई बाबाया अवतार धकाः घोषणा यानादीगु खः ।