पार्टीगत स्वार्थ त्याग यायेत प्रमया इनाप

प्रधानमन्त्री झलनाथ खनालं शान्ति व संविधानया निंतिं राजनीतिक दलया नेतातय्त पार्टीगत स्वार्थ त्याग यायेत इनाप यानादीगु दु । वय्कलं दलया नेतातय्सं पार्टीगत स्वार्थ त्याग याःसा इलय् हे संविधान निर्माण जुइगु दावी नं यानादिल ।

१८क्वःगु पासाङ ल्हामु स्मृति दिवसया लसताय् पासाङ ल्हामु प्रतिष्ठानं शनिवाः येँय् याःगु ज्याझ्वलय् प्रधानमन्त्र खनालं शान्ति व संविधान निर्माणया कार्यभार पूवंकेत वर्तमान सरकार दृढ जूगु धयादिल ।

अथेहे एमाले पार्टी ज्याकूथीइ थौं हे जूगु मेगू छगू ज्याझ्वलय् प्रधानमन्त्री खनालं थुगु सरकारयात सुनां नं क्वथलेमफइगु दावी यानादिल । वय्कलं तःधंगु शक्तित सरकार असफल यायेत लगे जुयाच्वंगु दावी नं यानादिल ।