लामाबारे छानबिन यायेत समिति गठन

भारतीय पासपोर्ट व तिब्बती शरणार्थी कार्ड दुम्ह पुलाम्ह अर्थ राज्यमन्त्री ल्हारक्याल लामाबारे छानबिन यायेत सरकारं छगू छानबिन समिति निस्वंगु दु ।

शुक्रवाः बहनी च्वंगु मन्त्रिपरिषदया मुँज्यां पुनरावेदन अदालतया पुलाम्ह न्यायाधीश भोलाप्रसाद खरेलया नेतृत्वय् स्वम्ह दुजः दुगु छानबिन समिति निस्वंगु खः । उगु समितिइ प्रहरी वरिष्ठ उपरिक्षक पशुपति उपाध्याय व सहन्यायाधिवक्ता रमेश शर्मा पौडेल दुजः कथं दी ।

वंगु चैत २८ गते अर्थ राज्यमन्त्रीलय् नियुक्त जुयादीम्ह लामायाबारे विवादास्पद बुखँत सार्वजनिक जुइवं वय्कलं थ:गु पदं राजीनामा बियादीगु खः ।

अथेहे मुँज्यां सेनाया न्याम्ह जनरलया नं सरुवा याःगु दु । नापं उपप्रधानमन्त्री भरतमोहन अधिकारीया संयोजकत्वय् च्याम्ह दुजः दुगु विभुषण सिफारिस समिति नं निस्वंगु दु ।