पौडेल उपसभापति,सिटौला महामन्त्री

येँ (सन्ध्या टाइम्स)/न्याला न्ह्यःनिसें विवाद जुयाच्वंगु कांग्रेसया पदाधिकारी मनोनयन बारे थौं सुथय् सहमति जूगु दु। सभापति सुशील कोइराला छेँय् शेरबहादुर देउवालिसे जूगु सहलहय् उप सभापतिइ रामचन्द्र पौडेल व महामन्त्रीइ कृष्णप्रसाद सिटौला तयेगु सहमति जूगु खः। मुँज्याय् केन्द्रीय दुजः विमलेन्द्र निधि, प्रकाशमान सिंह व कृष्णप्रसाद सिटौला नं दुगु खः। आः निम्ह नेताया दथुइ जूगु उगु प्रस्ताव केन्द्रीय कमिटीया बैठकय् यंकाः अनुमोदन याइ धाःगु दु ।