कांग्रेस उपसभापतिइ पौडेल व महामन्त्रीइ सिटौला

नेपाली कांग्रेस सभापति सुशील कोइरालां रामचन्द्र पौडेलयात उपसभापति व कृष्णप्रसाद सिटोला महामन्त्रीलय् मनोनित यानादीगु दु ।

शुक्रवाः च्वंगु कांग्रेस केन्द्रीय समितिया मुँज्यां सभापति कोइरालां यानादीगु प्रस्ताव पारित याःगु ख: । केन्द्रीय मुँज्याय् दुजः अर्जुननरिसंह केसी धाःसा उगु प्रस्ताव प्रति आपत्ति प्वंकूसें विरोध याःगु खः ।

न्हापां निसें कोइरालाया प्रस्तावया विरोध यानाच्वनादीम्ह शेरबहादुर देउवां धाःसा थौं सभापतिया प्रस्तावय् समर्थन यानादीगु खः । कोइराला व देउवा दथुइ शुक्रवाः सुथय् पद ल्यँ दुगु पदय् निगूलिं पक्षया नेतातय्त दुथ्याका यंकेगु सहमति जूगु खः । निम्ह नेतात दथुइया सहलहलय् देउवा पक्षयात सहमहामन्त्री नापं स्वम्ह केन्द्रीय दुजः बीगु सहमति जूगु दु ।