फिल्म महोत्सवय् नेवाः भाय्या निगू फिल्म
येँ (सन्ध्या टाइम्स)/नेपाल इन्टरनेशनल इण्डिजिनियस फिल्म फेस्टिभलया ग्वसालय् जूगु न्याक्वःगु महोत्सवय् नेपालभाषाया निगू फिल्म दुथ्याःगु दु। नीगू देशया आदिवासी जनजाति फिल्म दुथ्याःगु उगु महोत्सवय् नेपाःपाखें गुरुङ्ग, मगः, तामाङ्ग व नेपालभाषा यानाः मुक्कं च्यागू भाय्या फिल्म दुथ्याः। महोत्सवय् नेपालभाषापाखें लुनिभाः तुलाधरया 'बुयेगु मंतुना' व अमृतमान महर्जनया 'लाखे नइम्ह झाखे' दुथ्याःगु खँ सीदुगु दु। थ्व प्याखंत वइगु शनिवाः १२ बजे व सोमवाः ३ बजे क्यनीगु ग्वसाः दु ।
