ऊर्जामन्त्री विष्टं सपथ ग्रहण

प्रधानमन्त्री झलनाथ खनालं ऊर्जामन्त्री गोकर्ण विष्टयात थौं पद तथा गोपनियताया सपथ ग्रहण याकादीगु दु । मन्त्री नियुक्त जूगु दिं कुन्हु हे अज्ञात पुचःया आक्रमणं घाःपाः जूगुलिं विष्टं थौं जक सपथ ग्रहण यानादीगु खः ।

विष्टयात गोंगबु टाउनप्लानिङ स्थित थःगु हे छेँ नापसं मोटरसाइकलय् च्वनावःपिं निम्ह म्हःमस्यूपिं मनूतय्सं खुकुरीं प्रहार याःगु खः । सांघातिक हमलाय् लानाः घाःपाः जुम्ह विष्टयात मनमोहन अस्पतालय् वासः याकातःगु खः ।

प्रधानमन्त्री झलनाथ खनालं वंगु चैत २८ गते एमालेया जक मन्त्रीत दुथ्याकाः स्वक्वःगु खुसिइ मन्त्रिपरिषद् विस्तार यानादीगु खः ।