प्रचण्डया राजनीतिक प्रस्ताव सकारात्मक : मसाल
एनेकपा (माओवादी)या नायः पुष्पकमल दाहाल 'प्रचण्डं' पार्टीया पोलिटब्यूरो मुँज्याय् न्ह्यब्वःगु राजनीतिक प्रस्तावयात नेकपा (मसालं) सकारात्मक जूगु टिप्पणी याःगु दु ।
मसालया मू छ्याञ्जे मोहन विक्रम सिंहं थौं छगू प्रेस विज्ञप्ति पिथनादिसें प्रचण्डं थःगु प्रस्तावयात शान्ति व संविधानय् केन्द्रीत याःगु खँ सकारात्मक जूगु न्ह्यथंगु दु । जनआन्दोलनपाखें हासिल उपलब्धियात सुनिश्चित यायेगु पाखे प्रचण्डं थःगु प्रस्ताव न्ह्यब्वःगु धासें सिंह उकियात प्रगतिशिल प्रस्ताव कथं कायेमाःगु खँ धयादीगु दु ।
विज्ञप्तिइ शान्ति व संविधान निर्माण बारे न्ह्याःगु कथंया ग्वाहालि यायेत नं थःगु पार्टी तयार दुगु खँ नं न्ह्यथनातःगु दु ।
प्रचण्डं म्हिग च्वंगु माओवादीया पोलिटब्यूरो मुँज्याय् शान्ति व संविधानया विषयलय् केन्द्रीत जूगु राजनीतिक प्रस्ताव न्ह्यब्यादीगु खः । उगु प्रस्तावय् जनविद्रोह स्वयां नं शान्ति व संविधान पूवंकेमाःगु खँय् बः बियातःगु दु ।
