माओवादी केन्द्रीय समितिया मुँज्या आह्वान

एकीकृत नेकपा (माओवादीं) थःगु भावी रणनीति क्वःछित केन्द्रीय समितिया मुँज्या सःतुगु दु । शुक्रवाः सुथय् ११ बजे च्वनीगु मुँज्याय् पार्टी नायः पुष्पकमल दाहाल 'प्रचण्ड'या राजीनितक प्रस्तावया बारे सहलह जुइ ।

माओवादीया बुधवाः च्वंगु पोलिटब्यूरो मुँज्याय् माओवादी नायः प्रचण्डं देय्या समसामयिक राजनीतिक परिस्थितिया नापं शान्ति, संविधान व पार्टीया संक्रमणकालीन कार्ययोजनाबारे तत्कालिक राजनीतिक प्रस्ताव न्ह्यब्वयादीगु खः ।

उगु प्रतिवेदनय् प्रचण्डं शान्ति व संविधानयात मूल मुद्दा दयेकातःगु दु । पोलिटब्यूरो मुँज्याय् वय्कःया प्रतिवेदनय् स्वम्ह न्वकु, मू छ्याञ्जे व छ्याञ्जें थःथःगु बिचाः प्वंकूगु खः । वयां लिपा पार्टीया भावी राणनीतिया बारे थप सहलह आवश्यक जूगु धासें केन्द्रीय समितिया मुँज्या सःतेगु निर्णय याःगु खः ।