प्रचण्ड व फोरमया नेतात दथुइ सहलह
संयुक्त लोकतान्त्रिक मधेशी मोर्चां एमालेया नेतृत्वया गठबन्धनयात समर्थन याइगु सम्भावना अप्वयेवं प्रधानमन्त्री पुष्पकमल दाहाल प्रचण्डं नागरिक सर्वोच्चता स्थापित मजूतल्ले सरकार गठन प्रकृयाय् ब्वति मकायेत मधेशी जनअधिकार फोरमया नेतात नाप इनाप याःगु दु ।
बुधवाः सुथय् प्रधानमन्त्री निवास बालुवाटारय् फोरम अध्यक्ष उपेन्द्र यादव व सहअध्यक्ष जयप्रकाश गुप्तायात नापलायेगु झ्वलय् आः सरकार गठनया खँ गौण जूगु धासें नागरिक सर्वोच्चता स्थापित यायेत ग्वहालि यायेत इनाप यानासदिल ।
अथेहे, मधेशीतय् मागया बारे लिखित प्रतिबद्धता वसाः जक एमालेया गठबन्धनयात ग्वहालि यायेगु अडान काःगु संयुक्त लोकतान्त्रिक मोर्चां थौं थ:गु आधिकारीक धारण सार्वजनिक याइगु सम्भावना अप्वःगु दु । मोर्चाया माग कथं कांग्रेस व एमाले मंगलवाः बहनी प्रतिबद्धता पौ च्वःगु खसाः उकी छुं ब्वःत हीकाः हाकनं लिखित प्रतिबद्धता छ्वयेत मोर्चां माग याःगु ख: ।
