साइकल गयाः स्वयम्भु
येँ (सन्ध्या टाइम्स)/इटाली नागरिक भिटोरियो ब्रुमोटो म्हिगः सुथय् साइकलं स्वयम्भुया त्वाथः गयाः च्वय् थ्यंकः वल। स्वयम्भुया क्वय् पालिकांनिसें साइकल गयाः वय्कलं त्वाथलं हे थहां वयाः च्वय् थ्यंकादीगु खः। उगु इलय् वय्कलं साइकलं छक्वः तक नं तुति तकं बँय् मतःगु खः।
३१ दँ दुम्ह इटाली नागरिक भाजु भिटोरियों साइकल गयाः स्वयम्भु थहां वनेगु कीर्तिमान तयेगु लागिं म्हिगः उगु ज्या यानादीगु खँ धाःगु दु ।
वय्कलं साइकल जक गयाः थीथी कथंया च्यागू विश्व कीर्तिमान तयादीगु दुसा उकी मध्ये गुलिखे कीर्तिमान गिनिज बुकय् नं दुथ्यानाच्वंगु दु। साइकल गयाः च्वय् थ्यंकाःलि महाचैत्य छचाः चाःहिलाः वय्कः वनाछ्वःगु खः ।
शीला साय्मिपाखें
