कलाकार हरिवंश आचार्यया जहान मंत

येँ (सन्ध्या टाइम्स)/नांजाःम्ह हास्य कलाकार हरिवंश आचार्यया जहान मीरा आचार्य मंत। ४६ दँ तिनि दुम्ह मय्जु आचार्य मस्तिष्काघात जुयाः मदुगु खँ धाःगु दु। प्यन्हुजालय् आकाझाकां हाछिकाः वयाः वय्कःयात मस्तिष्काघात जूगु खःसा म्हिगः मदुगु खः। अमेरिकाय् आखः ब्वं वनाच्वंम्ह तःधीम्ह काय थौं लिहां वयेकाः जक वय्कःया मृत्यु बारे आधिकारिक जानकारी बीगु खँ धाःगु दु। आः वय्कःया शवयात काठमाडौं मोडेल अस्पतालय् तया तःगु दु। मय्जु आचार्य थः हे छम्ह नांजाःम्ह रेडियो कार्यक्रम संचालिका खः। वय्कःया निम्ह कायपिं मध्ये कान्छाम्ह मोहित आचार्य नं थौंकन्हय् गायक व कलाकार कथं पिलू वयाच्वंगु दु ।