कमलादी गणेद्यः जात्रा

येँ (सन्ध्या टाइम्स)/कमलादी गणेद्यःया न्हिजात्रा म्हिगः क्वचाल। द्यःयात खतय् तयाः असं, वंघः, लगं, भिंद्यःत्वाः, न्यत, किलागः, इनबाहाः लगायत थासय् चाःहीकाः सनिलय् कमलाछीया द्यःछेँय् द्यः बिज्याकाः जात्रा क्वचायेकूगु खः। म्हिगः न्हिछि द्यः गमय् तयाः पूजा फयेकेगु नापं महापुजा नं याःगु खः। थौं त्वाःभ्वय् नयाः जात्राया ज्या क्वचायेकीगु खँ कमलाछि गणेश चौठी समितिं धाःगु दु ।