पासपोर्ट दुरुपयोग याःपिं सभासदतय्त म्याद प्यन्हु थप
जिल्ला आदलत येँ नं ह्याँगु पासपोर्ट दुरुपयोग याःपिं सभासद्तय्त अझ प्यन्हु कुना: छानबिन यायेत आदेश बिउगु दु ।
सभासदया हैसियतं बियातःगु ह्याँगु पासपोर्ट दुरुपयोग याःपिं सभासद्त वीपी यादव व गायत्री साहयात मंगलवाः संविधानसभा भवनं ज्वना यंकूगु खः । ज्वनायंकूगु छन्हु लिपा अदालतय् उपस्थित याकूपिं सभासद्तय्त अझ प्यन्हु हिरसातय् तयेत आदेश बिउगु ख: । प्रहरीं छानबिन यायेत झिंन्यान्हुया म्याद फ्वंगु ख:सां अदालतं प्यन्हुया निंतिं म्याद थप या:गु ख: ।
मधेशी जनअधिकार फोरमया सभासद् यादवं थःगु ०१९८९३ नम्बरया पासपोर्ट पृथ्वी छन्त्यालयात मिउगु खःसा नेपाल जनता दलया सभासद् साहं नां खुलेमजूनीम्ह छम्ह मिसयात थःगु ०१९८२६ नम्बरया पोसपोर्ट मिउगु खः ।
साहं नं पोसपोर्ट मिउम्ह मिसायात स्वला न्ह्यः अष्ट्रेलिया वनेगु झ्वलय् अबुधावी अध्यागमनय् ज्वनेवं पासपोर्ट दुरुपयोगया खँ सार्वजनिक जूगु खः । निम्ह सभासद्तय्सं थःपिनिगु पासपोर्ट करोडौं तकाय् मिउगु खँ प्रहरीं धाःगु दु ।
गु खः ।
