प्रतापपुर पीगु शुरु
येँ (सन्ध्या टाइम्स)/छुं ई न्ह्यः मलखं कयाः क्षतिग्रस्त जूगु स्वयम्भुया प्रतापपुर जीर्णोद्धार यायेगु बारे अध्ययन यायेत म्हिगःनिसें पीगु शुरु जुल। क्षतिग्रस्त देगः पियाः क्षति बारे अध्ययन यायेत लछि न्ह्यः हे पंया खः ग्वःगु खःसां पीगु ज्या धाःसा म्हिगःनिसें शुरु जूगु खः ।
देगः पियाः मेजर प्रारम्भिक अध्ययन निं याइगु खँ पुरातत्व विभागया पुरातत्व अधिकृत सुरज श्रेष्ठं 'सन्ध्या टाइम्स' यात कनादिल। म्हिगः गजू लिकयाः पीगु शुरु जूगु खः। च्वं २० फिट तक पियाः देगः छगलं हे पीमाःगु खः वा भचा जक पियाः जीर्णोद्धार याःसां जिउ धकाः स्वइगु खँ नं वय्कलं कनादिल। देगः पी न्ह्यः वंगु १ गतेनिसें क्षमा पुजा नं याःगु खः ।
