संसद सुचारु यायेत प्रधानमन्त्रीयात सभामुखया इनाप

संविधान सभाया अध्यक्ष सुवास नेम्वाङं वर्तमान राजनीतिक समस्या समाधन संसद पाखें यायेफइगु पाखे प्रधानमन्त्री पुष्पकमल दाहाल प्रचण्डया ध्यानाकर्षण यानादीगु दु ।

मंगलवाः न्हिनय् प्रधानमन्त्री निवास बालुवाटारय् वनाः सभामुखं प्रधानमन्त्रीया ध्यानाकर्षण याकूगु खसाः प्रधानमन्त्रीं थ्व विषययात गम्भीर रुपं कयाःगु प्रतिक्रिया बियादीगु खः ।

नेम्वाङं तहाकःगु ई तक सरकार बिहिन जुयाच्वनेगु धइगु बांलाःगु खँ मखु धकाः प्रधानमन्त्रीयात जानकारी बियादीगु खः । प्रधानमन्त्री प्रचण्डं संसद स्वयां पिने च्व्नाः सरकार गठन जुइ फइ वा फइमखु धकाः सभामुख नाप न्ह्यसः तयादीगु खः । लिसःलय् नेम्वाङं संसद पिने च्वनाः सरकार गठन याये मज्यूगु तर्क तयादिल ।

माओवादीया कारण पटक पटक संसद अवरोध यायेवं प्रधानमन्त्री व सभामुख दथुइ खँल्हाबंला जूगु खः ।