हेटौडाय् नं नेवाः सघंर्ष समिति
हेटौडा (सन्ध्या टाइम्स)/ नेवाः स्वायत्त राज्य मंकाः संघर्ष समितिपाखें थीथी कथं स्वनिगलं पिने नं थःपिनि कचामचा स्वना वनेगु झ्वलय् म्हिगः थीथी नेवाः खलः पुचःया प्रतिनिधित दुथ्याःगु मंकाः मुँज्यां हेटौडाय् नं नेवाः स्वायत्त राज्य मंकाः सघंर्ष समिति नीस्वंगु दु । नेपालभाषा खलः हेटौडाय् खलःया न्वकु नन्दरत्न स्थापितया सभापतित्वय् थीथी संघ संस्थाया प्रतिनिधित दथु याःगु मुँज्यां उगु कचा नीस्वगुं खः ।
खलःया नायः महारत्न बज्राचार्य किज जुयादीगु नेवाः स्वायत्त राज्य मंकाः संघर्षसमिति हेटौंडाया दुजः संस्था कथं नेवाः देय् दबू हेटौंडा, नेवाः सांस्कृतिक पुचः, न्हू नेवाः खलः, नेवाः पुचः चौकी त्वाः, खड्गी सेवा समाज नेपाल, लोकतान्त्रिक नेवाः संघ हेटौडा कचा, एकीकृत नेवाः राष्ट्रिय मुक्ति मोर्चा व लोकतान्त्रिक नेवाः संघ च्वंगु दु ।
ज्याझ्वलय् नेपाल लोकतान्त्रिक नेवाः दबूया नायः सानुराजा शाक्य, सभासद् तीर्थराम डंगोल, नेवाः स्वायत्त राज्य मंकाः संघर्ष समितिया सल्लाहकार सभासद् दिलीप महर्जन व नेवाः देय् दबूया नायः नरेश ताम्रकारिपंसं न्ववानादीगु खः ।
