थौं ल्हुति पुन्हिया मेला

येँ (सन्ध्या टाइम्स)/ थौं ल्हुति पुन्हि । दँय्दसं थौंया पुन्हियात हे ल्हुति पुन्हि धकाः ल्हुति अर्थात बालाजु लागाय् मेला लगे जुइ ।
येँया ल्हुतिइ च्वंगु नीनिधाः हितिइ मेला थौं सुथंनिसें जूगु दु । अन सुथंनिसें यक्व हे मनूत मेलाय् वंगु दुसा थौंया हे दिनय् ल्हुतिं च्वय्
च्वंगु जामाच्वय् नं मेला जुइ । विशेष यानाः छेँज: मदुपिनिगु नामं जामाच्वय् मत च्याकः वनेगु नाप नापं न्ह्याइपुकेगु निंतिं ल्यासे ल्याय्म्हत म्वःम्वः वंगु दु । थौं म्हय्पि अजिमा द्यःया नं जात्रा जुइ ।