नायः प्रचण्ड सुटुक्क धादिङय्

वइगु पोलिटव्युरो बैठकया एजेण्डा क्वःछीत एकीकृत नेकपा (माओवादी)या नायः प्रचण्ड एकान्तबासया निंतिं थौं सुटुक्क धादिङ थ्यंकादीगु दु । पोलिटब्युरो बैठकया एजेण्डा दयेकेत वय्कः धादिङ व येँया सीमा क्षेत्र चिसापानी थ्यंकादीगु खः ।

चिसापानीया पातां बन रिर्सोटय् च्वनाः नायः प्रचण्डं पोलिटब्युरो बैठकया एजेण्डा क्वःछीगु जानकारी ब्यूगु दु । वय्कःलिसे सुं सुं सुरक्षाकःमिपिं व ग्वाहालिमिपिं जक दुगु नापं जानकारी ब्यूगु दु । मन्त्रीपरिषदय् छ्वयेगु नितिं पार्टीया नेता ल्ययेगु, पार्टी दुनेया आन्तरिक संघर्ष ज्यंकेगु व जेठ १४ लिपाया अवस्था विश्लेषणया निंतिं माओवादीं वइगु ७ गते पोलिटब्युरो बैठक सःतूगु दु ।