लाक्वपाक्व न्वमवायेत एमाले नेतातय्त निर्देशन

छुं ई न्ह्यः निसें नेकपा (एमाले)या वरिष्ठ नेतातय्सं थःगु हे पार्टीया नेतात विरुद्ध न्वावाना जुइवं एमालेया सल्लाहकार परिषदं नेतातय्त लाक्वपाक्व न्वामवायेत निर्देशन बिउगु दु ।

एमालेया सल्लाहकार परिषदया थनिंनिसें सुरु जूगु मुँज्यां जिम्मेवार नेतातय्त पार्टी दुने असहमति दुसाः उकियात पार्टी दुने हे तयेत इनाप याःगु दु । सर्वाजनिक थासय् छम्हसिनं मेम्हेसित द्वपं बिइगु थज्याःगु ज्या मयायेत परिषदं निर्देशन बिउगु खः ।

प्रधानमन्त्री झलनाथ खनालं उजेज्या यानादीगु परिषदया मुँज्यां वइगु जेठ १४ दुने हे संविधान जारी जुइकथंया ज्या यायेत प्रधानमन्त्रीयात सुझाव नं बिउगु दु ।