राष्ट्रसंघीय मावनअधिकार उप-उच्च आयुक्त नेपाः भ्रमणय्

राष्ट्रसंघीय मानवअधिकार उप-उच्च आयुक्त क्युङ ह्वा काङ स्वन्हुन्यंकया नेपाः भ्रमणया निंतिं थौं येय् थ्यंकादीगु दु ।

स्वीट्जरल्याण्डया जेनेभाय् वंगु जनवरीइ नेपाः सम्बन्धी विश्वव्यापी मानवअधिकार समीक्षा (युपिआर)या झ्वलय् जूगु सहलह व सुझावया विषयलय् वय्कःया भ्रमण केन्द्रीत जुइगु खँ धाःगु दु ।

वय्कलं नेपाःया मानवअधिकारया अवस्था बारे मूल्यांकन याइगु व वय्कलं नेपाःस्थित राष्ट्रसंघीय मानवअधिकार उच्चायुक्तया ज्याकूया म्याद थप यायेत सरकारयात इनाप याइगु जूगु दु । उच्चायुक्तया म्याद वइगु ९ जुनय् क्वचायेत्यंगु दु ।

नेपाः भ्रमण्या झ्वलय् वय्कलं प्रधानमन्त्री झलनाथ खनाल नापं थीथी राजनीतिक दलया नेतातनाप खँल्हाबंला याइगु ज्याझ्वः दु ।