जमिम शाहया हत्याया अभियुक्त विरुद्ध रेडकर्नर नोटिस

संचार उद्यमी जमिम शाहया हत्याया निम्ह अभियुक्त विरुद्ध नेपाःया प्रहरीया इनापय् इन्टरपोलं रेडकर्नर नोटिस जारी याःगु दु । प्रहरीं निम्ह अभियुक्त भारतय् सुलाच्वंगु जानकारी वःगु धासें इन्टरपोलयात नोटिस जारी यायेत इनाप याःगु खः । प्रहरीया इनाप कथं इन्टरपोलं अभियुक्त जगदीश चन्द व श्रीकृष्ण पौडेल विरुद्ध नोटिस जारी याःगु खः ।

भारतीय अपराधी बब्लु श्रीवास्तवया निर्देशनय् जमिम शाहया हत्या याःगु खःसा चन्द व पौडेलं हत्याय् ग्वाहालि याःगु खः । ग्वहालि याःपिं विरुद्ध रेडकर्नर नोटिस जारी याःसां हत्याय् प्रत्यक्ष संलग्न दुपिं भारतीय नागरिकतय्त धाःसां उगु नोटिस जारी याःगु मदु । प्रहरीं भारतीय नागरिकतय् बारे पूर्ण विवरण मवनीगुलिं नोटिस जारी मयाःगु खँ न्ह्यथंगु दु ।