फोहोरमैला व्यवस्थापनया नितिं कम्पोष्ट बिन वितरण

फोहर मैला व्यवस्थापनया निंतिं यलय् प्यद्वः कम्पोष्ट बिन वितरण याइगु जूगु दु । सरकारया फोहर मैला व्यवस्थापन यायेगु नीति अनुरुप यलय् प्यद्वः कम्पोष्ट बिन वितरण न्ह्याकेत्यंगु खः ।

छखा छेँय्यात ह्याउँगु व वाउँगु यानाः निगः कम्पोष्ट बिन इनेगु ज्या जुइगु जानकारी ब्यूगु खः । वाउँलिइ सडय् जुइगु, गलय् जुइगु व ध्वग्गिना वइगु फोहर मैला व ह्याउँगुलिइ सडय् मजुइगु व ध्वग्गिना मवनीगु फोहोर मैला तइ ।

थुकिया नितिं सरकारं बजेट नापं फ्यायेधुंकूगुलिं वइगु असारनिसें कम्पोष्ट बिन वितरण ज्या न्ह्याइगु राष्ट्रिय वातावरण प्रदुषण नियन्त्रण नेपाल (नेप्को) या नायः सुरेन्द्र आचार्यं जानकारी बियादिल ।