आममाफीप्रति सार्वजनिक लेखा समितिया च्यूताः

व्यवस्थापिका संसदया सार्वजनिक लेखा समितिं थीथी जघन्न अपराधय् ल्हाः दुपिं मनूतय्त नं सरकारं ब्यूगु आममाफीप्रति च्यूताः क्यंगु दु । सिंहदरवा‍रय् थौं च्वंगु समितिया मुँज्यां सर्वोच्च अदालतया रजिष्ट्रार रामकृष्ण तिमल्सिनालिसे न्यनेकने यायेवं न्यादँ न्ह्यः सरकारं ब्यूगु आममाफीया फुक्क विवरण झिन्हुयादुने लःल्हायेत सरकारयात उजं ब्यूगु दु ।

अथेहे समितिं बेरुजु फछर्यौट सम्बन्धय् सर्वोच्चयात ग्वाहालि यायेत सरकारयात इनाप नं याःगु दु ।