जात्राय् ग्वाहालि याःपिंत सुभाय्पौ
येँ (सन्ध्या टाइम्स)/सेतो मच्छिन्द्रनाथ रथयात्रा ११३१ या ग्वसालय् म्हिगः थनया जनबहालय् वंगु अष्टमिनिसें दशमितक स्वन्हुयंकं जूगु जनबहाःद्यः रथ जात्राय् ग्वाहालि याःपिंत सुभाय् देछायेगु ज्या जुल ।
पाहांकथं एकीकृत नेकपा माओवादीया सभासद् हितमान शाक्य, हिसिला यमि, नेपाली कांग्रेसया सभासद् ध्यानगोविन्द रञ्जित, नविन्द्रराज जोशी, नेपाः राष्ट्रिय पार्टीया सभासद् बुद्ध साय्मि, येँ जिल्ला प्रमुख झाःगु उगु ज्याझ्वः समितिया कजि व जनबाहाःद्यःया गुर्जु नीलकाजी शाक्यया सभापतित्वय् जूगु खः ।
समितिया छ्याञ्जे व नेवाः जागरण मञ्चया संयोजक सुजीव बज्राचार्यं लसकुस यासें न्ह्याकूगु उगु ज्याझ्वलय् जनबहाःद्यः जात्राय् ग्वाहालि याःपिं थीथी क्लब, खलः, पुचःयात पाहांपिंसं खाता, स्वांमाः करुणामय द्यः व दसिपौ लःल्हाःगु खः ।
