'कोइरालां थः यत्थे यात'
येँ (सन्ध्या टाइम्स)/नेपाली कांग्रेसया सभापति सुशील कोइरालां लिपांगु इलय् वयाः पार्टी दुने थः यत्थे यानाः हस्तक्षेप याना हल धासें बरिष्ठ नेता शेरबहादुर देउवां असन्तुष्टि प्वंकादीगु दु ।
पुलांम्ह प्रधानमन्त्री देउवां थौं नेपालगन्जय् पत्रकारतलिसे सहलह ब्याकेगु झ्वलय् धयादीगु खः। पार्टी सभापतिं हे थीथी भ्रातृ संगठनयात न्ह्यःनेलाःथे हस्तक्षेप यानाच्वंगु द्वपं वय्कलं बियादीगु खः। अथे हे वय्कलं आःया अवस्थाय् नेपाली कांग्रेस सरकारय् वनीगु सम्भावना मदु धकाः नं स्पष्ट यानादिल ।
